Almatyda eki stýdent pen jumyssyz jigit aqsha bopsalaý isi boıynsha ustaldy
ALMATY. Sáýirdiń 29-y. QazAqparat / Ádilet Musahaev / - Almatynyń joǵary oqý oryndarynyń birinde oqıtyn eki stýdent pen olardyń esh jerde oqymaıtyn ári jumys istemeıtin dosy qaladaǵy bir túngi bı ortalyǵynda Roman degen jigitke qysym kórsetip, 150 myń teńge bopsalaǵan,
dep habarlaıdy QazAqparat.
«Bı alańynda Roman kezdeısoq álgilerdiń bireýin qolymen qaǵyp ketken. Onyń arty janjalǵa ulasyp, qur keshirim suraýdy qabyl almaǵan olar aqsha bopsalaýǵa kirisedi. Zardap shegýshi aqshalardy bermes buryn tártip saqshylaryna habarlasyp kómek suraǵan. «Biz barlyq qajetti áreketti paıdalana otyryp aqshany tapsyrý kezinde kúdiktilerdi qylmys ústinde quryqtadyq», deıdi Almaty qalasy ІІB uıymdasqan qylmyspen kúres basqarma bóliminiń bastyǵy, polkovnık Valerıı Kozlov.
Sondaı-aq ol arnaıy operatsııany qaladaǵy saýda ortalyqtarynyń birindegi kólik turaǵynda keshki saǵat jeti jarym shamasynda ótkizgendigin jáne oǵan arnaıy áreket otrıadynyń jaýyngerleri jumyldyrylǵanyn aıtady.
«Ustalǵandardyń esh qaısysy buryn qylmystyq jaýapqa tartylmaǵan. Olardyń barlyǵy Pavlodar oblysynyń turǵyndary bolyp shyqty. ıAǵnı jerlestik maqsatynda birikken olar qylmystyq aqýalǵa boı aldyrǵan. Eki stýdenttiń oqý oryndary olarǵa jaǵymdy minezdeme bergen. Qazirgi ýaqytta bopsalaý boıynsha qylmystyq is qozǵalyp, ustalýshylardyń ár qaısysynyń kinásy anyqtalýda», deıdi V. Kozlov.
