Almatyda eki saıabaq pen 20 skver abattandyrylady

ALMATY. QazAqparat – Almaty qalalyq jasyl ekonomıka basqarmasynyń basshysy Natalıa Lıvınskaıa qoǵamdyq oryndardy abattandyrý jumysy týraly aıtty, dep habarlaıdy QazAqparat tilshisi.

Bıyl basqarma «Qarasý» jáne Jas qanat, Maıak shaǵynaýdandarynda rekreatsııalyq aımaq qurylysyn aıaqtap jatyr.

«Jumyspen qamtýdyń jol kartasy» baǵdarlamasy aıasynda «Dostyq» saıabaǵy men «Jetisý-3» shaǵynaýdanyndaǵy skver abattandyrylady.

«Jańa Almaty» jospary boıynsha atqarylyp jatqan jumys nátıjesinde 2 saıabaq pen 20 skver, 7 jaıaý júrginshiler kóshesi men 16 jasyl aımaq kórkeıedi. Jalpy alǵanda 284 gektar jer abattandyrylady» , - dedi Natalıa Lıvınskaıa.

Ótken jylmen salystyrǵanda 7 saıabaq pen skver, 5 jasyl aımaq abattandyrylady.