Almatyda eki saǵattyń ishinde úsh birdeı qoǵamdyq kólik júrgizýshisi mas kúıinde ustaldy
ALMATY. Qazannyń 19-y. QazAqparat /Erbol Azanbek/ - Búgin Almatyda tańǵy eki saǵattyq tekseris ishinde qoǵamdyq kóliktiń úsh júrgizýshisi mas kúıinde ustaldy.
Bul týraly qalalyq ІІD-niń baspasóz qyzmeti habarlady.
Tańǵy tekseris kezinde jol saqshylary Boraldaı-Altyn Orda baǵytyndaǵy 257-shi avtobýsty toqtatqan. Tekseris barysynda júrgizýshiniń araq ishkeni anyqtaldy. Artynsha jol polıtsııasynyń quryǵyna araq ishken 95-shi baǵyttaǵy, al 106-shy baǵyttaǵy avtobýstyń gashısh tutynǵan júrgizýshisi ustalǵan.
«Júrgizýshilerdiń úsheýi de sot arqyly kólik júrgizý quqyǵynan aıyrylatyn bolady. Ókinishke oraı qoǵamdyq kólik júrgizýshileri qatań sharalarǵa qaramastan jolaýshylardyń ómirimen «oınaǵandy» azaıtar emes», - deıdi Almaty qalalyq ІІD-niń Jol polıtsııasy basqarmasynyń bastyǵy, polıtsııa polkovnıgi Arman Sarbasov.
