Almatyda eki órt oqıǵasy boldy, zardap shekkender bar
ASTANA. 27 qańtar. QazAqparat - Búgin Almatynyń túrli aýdandarynda eki órt oqıǵasy boldy, zardap shekkender bar, dep habarlaıdy QR TJM-niń baspasóz qyzmeti.
Búgin Almatyda Martynov kóshesinde ornalasqan 57-shi úıde jeke turǵyn úı jalynǵa orandy. Órt aýmaǵy 10 sharshy metrdi qurady. Ony sóndirý kezinde 1956 jyly týǵan er adam men 1967 jylǵy áıel ıis tıip, aýrýhanaǵa jetkizildi. tilsiz jaýdy aýyzdyqtaýǵa QR TJM-niń Almaty qalasy TJD órt sóndirý qyzmeti jeke quramynyń 5 adamy men 1 tehnıka birligi jumyldyryldy.
Almatynyń basqa aýdany - Alataýda, Shyǵys tańy shaǵynaýdanynda búgin Shosseınaıa kóshesindegi 26 úıdiń aýlasynda ornalasqan ashana men qoıma bólmelerinde órt boldy. Keıinnen jalyn tili kórshiles turǵan 28-shi jeke turǵyn úıdi sharpydy. Órt aýmaǵy 800 sharshy metrdi qurady. Qaza tapqandar men zardap shekkender joq. Órtti joıýǵa QR TJM-niń Almaty qalasy TJD órt sóndirý qyzmeti jeke quramynyń 87 adamy men 21 tehnıka birligi jumyldyryldy.
