Almatyda eki oq-dári qoımasy tabyldy
Almaty qalalyq polıtsııa departamentiniń málimetinshe, Medeý aýdanyna qarasty Núsipbekov kóshesindegi úılerdiń biriniń aýlasynan Kalashnıkov avtomatynyń 5,45 kalıbrli 20 patrony tabyldy.
«Ekinshi qoıma Alataý aýdanynan tabyldy. Qulaǵan aǵashtyń tamyryna «Makarov» tapanshasynyń 40 patrondary salynǵan polıetılen paketi jasyrylǵan. Tabylǵan oq-dáriler osy jyldyń qańtar aıynyń basynda Almatyda bolǵan jappaı tártipsizdikter kezinde qylmystyq jolmen alynǵan bolýy múmkin. Eki derek te QR QK-niń 287-baby boıynsha aýmaqtyq Polıtsııa basqarmalarynda sotqa deıingi tergeýdiń biryńǵaı tizilimine tirkeldi», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Polıtsııa ókiliniń aıtýynsha, tabylǵan oq-dáriler tárkilenip, qylmystyq is materıaldaryna tirkeldi.Oq-dárilerdi jasyrǵan adamdardy anyqtaý jumystary júrgizilip jatyr.
