Almatyda eki Mitsubishi soqtyǵysyp, er adam aýyr jaraqat aldy
ALMATY. QazAqparat - Almatyda Mitsubishi markaly eki avtomobıl soqtyǵysyp, Outlander-diń ıesi kóligin oqıǵa ornyna tastap ketken, dep habarlaıdy «QazAqparat» HAA tilshisi.
Kýágerlerdiń aıtýynsha, Challenger Turǵyt Ózal kóshesimen ońtústik baǵytta kele jatyp, ońǵa burylady. Sol kezde Raıymbek dańǵylymen shyǵys baǵytta kele jatqan Outlander qyzyl baǵdarshamǵa toqtamaı, jol talǵamaıtyn kólikti baryp soǵady.
«Soqqy Challenger-di jaıaýjolǵa shyǵaryp jiberdi. Sony kórgender «jedel járdem» shaqyrdy», - deıdi kýágerlerdiń biri.
Aýyr jaraqattanǵan djıptiń júrgizýshisin «jedel járdem» alyp ketken. Al Mitsubishi Outlander krossoveriniń júrgizýshisi kóligin tastap qashqan. Kýágerlerdiń aıtýyna qaraǵanda ol mas kúıde bolǵan. Polıtsııa ony izdep jatyr.
