Almatyda eki mektep shtattyq rejımde jumys istep tur
ALMATY. QazAqparat - Almatyda 207 mekteptiń arasynan 2 mektep shtattyq rejımde jumys istep tur, dep habarlaıdy QazAqparat tilshisi.
Onlaın brıfıng barysynda qalalyq Bilim basqarmasy basshysynyń orynbasary Qaırat Jumanov epıdemıologııalyq ahýal aıasyndaǵy bilim protsesi týraly aıtty.
Onyń sózine qaraǵanda, balalardyń qaýipsizdigin saqtaý maqsatynda qalanyń 205 mektebinde jańa oqý jyly qashyqtan oqý formatynda bastaldy.
«Qashyqta ornalasqanyna jáne oqýshy sanynyń azdyǵyna baılanysty Kólsaı jáne Sulýsaı shaǵyn aýdandaryndaǵy № 194 jáne 197 mektep shtattyq rejımde jumys istep tur», - dedi ol.
Qalada jalpy 207 memelekettik mektepte 271 524 oqýshy bilim alyp jatyr. Al 63 jeke mektepte 16 352 bala bilim alýda.
1 qyrkúıekten bastap 27 809 bala birinshi synypqa bardy.
Onyń aıtýynsha, Almaty qalalyq bas sanıtarlyq dárigeriniń qaýlysymen jáne 1-2 synyp oqýshylary arasynda ata analardyń ótinishimen 102 mektepte kezekshi synyptary uıymdastyrylǵan. 256 kezekshi synybynda 3353 bala oqyp jatyr.
