Almatyda eki qyzdy soqqyǵa jyqqan er adam ustaldy
ALMATY. QazAqparat – Almatyda qalanyń ortasynda eki qyzdy soqqyǵa jyqqan er adam ustaldy, dep habarlaıdy QazAqparat tishisi.
Oqys oqıǵa 25 shildede Abylaı han kóshesinde bolǵan. Bul týraly aqparat Instagram- daǵy SVET qoǵamdyq qorynyń paraqshasynda jarııalandy.
Qyzdar kólikteriniń janarmaıy taýsylǵan soń Qazybek bı kóshesinde toqtaýǵa májbúr bolǵan.
Dostarynan kómek kútip otyrǵan boıjetkenderge mas adam kelip tıise bastaǵan. Mazalaryn almaýyn ótingen qyzdardyń bireýin ol shashynan ustap kóliktiń kapotyna soqqan.
Ekinshi qyzdyń jaǵynan bir uryp, jerge qulatqan. Qyzdar kólikke kirip esikti ishten jaýyp alǵan kezde buzyp kirmek bolǵan.
Asha almaǵan soń er adam kóligine otyryp ketip qalǵan.
Mıy shaıqalyp, soqqy alǵan qyz aýrýhanaǵa jetkizildi.
Qalalyq PD bul derek boıynsha Almaly aýdandyq PB QR QK 293-baby 2-bólimimen qylmystyq is qozǵady.
Qazir polıtsııa 32 jastaǵy er adamdy ustady. Tergeý isi qalalyq PD basshylyǵynyń baqylaýyna alynbaq.
