Almatyda eki qyzdy qaǵyp ketken júrgizýshiniń kim ekeni anyqtaldy
ALMATY. QazAqparat - Almaty polıtseıleri eki qyzdy qaǵyp, oqıǵa ornynan boı tasalaǵan kólik júrgizýshisin anyqtady, dep habarlaıdy QazAqparat tilshisi.
5-yqshamaýdan janynan oqıǵaǵa qatysy bar degen kúdikpen «BMW» markaly avtokólik tabylǵan.
«Polıtsııa qyzmetkerleri kýágerlerden jaýap alyp, beınebaqylaý kameralaryn tekserdi. Avtokólik júrgizýshisi, 25 jastaǵy Almaty turǵyny Násil Ermekti izdestirip jatyrmyz»,-dedi Almaty ІІD baspasóz qyzmeti.
Sondaı-aq, polıtsııa kúdiktini kórgen adamdar bolsa 02 nemese +7 701 888 4882 nómirine habarlasýlaryn suraıdy.
Aıta ketý kerek, jol apaty 26 qyrkúıek kúni Raıymbek dańǵylynyń Ótegen batyr kóshesimen qıylysqan tusynda bolǵan. Oqıǵa kýágerleriniń aıtýynsha, jer ústi ótkeline jaqyn jerde eki qyz joldy kesip ótpekshi bolǵan. Osy sátte olardy joǵary jyldamdyqpen kele jatqan BMW markaly avtokóligi qaǵyp ketken. Kórgender júrgizýshiniń jaıaý júrginshilerdi baıqamaı qalǵanyn aıtady. Budan keıin ol kólikten túspesten oqıǵa ornynan izin sýytqan.
