Almatyda eki qyzdy qaǵyp ketken «BMV» júrgizýshisi ustaldy
ALMATY. QazAqparat - Eki qyzdy qaǵyp kóshede qaldyryp ketken «BMV» júrgizýshisi ustaldy, dep habarlaıdy QazAqparat tilshisi qalalyq ІІD baspasóz qyzmetine silteme jasap.
Baspasóz qyzmetiniń habarlaýynsha, 25 jastaǵy júrgizýshi Ermek Násil qazir qaladaǵy tergeý ızolıatorynda jatyr.
Polıtsııa ony 2-qazanda ustaǵan.
Aıta ketý kerek, jol apaty 26 qyrkúıekte tańǵy 08:40 shamasynda Raıymbek kóshesinde bolǵan. Júrgizýshi kóligimen joldan ótip bara jatqan eki qyzdy qaǵyp, oqıǵa ornynan qashyp ketken.
«Jol apatynan soń qaıǵyly oqıǵany kózimen kórgen kýágerler suraldy, jergilikti baqylaý kameralary tekserildi. Sol kúni jaqyn jerde soǵylǵan belgileri bar «BMW 525І» tabylǵan. Sonyń arqasynda kólik ıesi anyqtaldy. 25 jastaǵy jigit Almaty oblysynyń turǵyny bolyp shyqty», - dedi qalalyq ІІD jergilikti polıtsııa qyzmetiniń izdestirý bóliminiń basshysy Erik Nasyrbekov.
Ermek Násil QR QK 345-babynyń 2-bólimimen jáne QR QK 341-babynyń 2-bólimimen jaýapqa tartylmaq.
Aıta keteıik, osyǵan deıin Almatyda eki qyzdy qaǵyp, oqıǵa ornynan boı tasalaǵan 25 jastaǵy Almaty turǵyny Násil Ermektiń izdestirilip jatqanyn habarlaǵanbyz.
