Almatyda eki kúndik shaqalaqqa kúrdeli ota jasaldy
ALMATY. QazAqparat - Almaty dárigerleri týǵanyna eki kún bolǵan náresteni ólimnen aman alyp qaldy, dep habarlaıdy QazAqparat tilshisi.
Balalarǵa shuǵyl medıtsınalyq kómek kórsetý ortalyǵyna týabitti aqaýmen dúnıege kelgen náreste jetkizildi.
Shaqalaqqa sol jaq dıafragmalyq kók ettiń jyrtylýy degen dıagnoz qoıylǵan.
«Balanyń keýde qýysyndaǵy organdary kókirek tusyna aýysqan. Mundaı aqaý bolǵanda balalardyń barlyǵynda derlik júrek-ókpe jetkiliksizdigi bolady. Bul joly balaǵa ІІІ dárejedegi ókpe, II dárejedegi júrek qan tamyrlary jetkiliksizdigi, ІІ dárejedegi qan aınalymy buzylǵan, mıǵa ottegi jetkiliksizdigi degen dıagnoz qoıyldy»,- dedi bólimshe meńgerýshisi Meıirjan Qurmanalıev.
Hırýrgtar balaǵa torkkoskopııalyq ádispen shuǵyl ota jasady. Ota kezinde balanyń kókirek qýysyndaǵy organdar tómen túsirildi. Sonymen qatar, dıafragma eti tigildi.
Otadan soń bala 20 kún qarqyndy terapııa bólimshesinde jatty. Odan soń úıine shyǵaryldy.
Bas dáriger Abaı Qusaıynovtyń aıtýynsha, mundaı ota Qazaqstan boıynsha tek osy ortalyqta jasalyp júr. Bıyldyń ózinde úsh shaqalaqtyń ómiri qutqaryldy.
Balalardyń 60%-y tasymaldaý jáne ota kezinde shetinep jatady.
