Almatyda eki kúnde 315 adam revaktsınatsııadan ótti
«22 qarashadan bastap barlyq qalalyq emhanalarda revaktsınatsııa naýqany bastaldy. Búginde ekpeni medıtsına qyzmetkerleri, pedagogter, kúsh qurylymdarynyń qyzmetkerleri, medıtsınalyq-áleýmettik mekemelerdiń mamandary men kontıngenti, 60 jastan asqan jáne ımmýnıteti tómen adamdar ala alady», - dedi dáriger.
Onyń aıtýynsha, revaktsınatsııa buryn jasalǵan ekpeniń tómendegen tıimdiligin qaıtarady.
Sonymen qatar ol qaıta egý vektorlyq vaktsına saldyrǵan bolsa – 9 aıdan keıin, al belsendi emes vaktsınalar men m-RNQ vaktsınalar ekken bolsa – 6 aıdan keıin jasalatynyn eske saldy.
Nurbol Jumabekov egilmegen halyqty vaktsınanyń eki komponentin alýǵa shaqyrdy.
Sondaı-aq osy ýaqytqa deıin vaktsınadan bas tartqandar úshin ol reanımatsııaǵa ekskýrsııa júrgizýdi usyndy, onda koronavırýs juqtyrǵan adamdar ómir úshin kúresip jatyr.
«KVI-ge qarsy vaktsınalaý bastalǵannan beri bir jylǵa jýyq ýaqyt ótti jáne barlyq skeptıkter onyń arqasynda aýrýdyń taralý qarqyny toqtaǵanyn túsindi. «Jasyl aımaqqa» aýysqanymyz – bul vaktsınatsııa nátıjeleriniń biri», - deıdi spıker.
Sóz sońynda ol tumaýǵa qarsy ımmýndaýdy usyndy, biraq tumaý men kovıdke qarsy vaktsınany bir mezette almaǵan jón, olardyń arasyndaǵy ınterval kem degende 14 kún bolýy kerek.
