Almatyda eki kún ishinde memlekettik nómirsiz júrgen 230 kólik ustaldy
ALMATY. QazAqparat - Almatyda «Nómirli belgi» sharasy aıasynda qala polıtsııasy memlekettik tirkeý nómirinsiz júrgen 230 kólikti ustady, dep habarlaıdy, QazAqparat.
ІІD habarlaýynsha, atalǵan shara kólikti tirkeýge qoıý kýáligimen sáıkes kelmeıtin memlekettik nómirlerdi jáne urlanǵan nómirlerdi paıdalanyp júrgenderdi anyqtaýǵa baǵyttalǵan.
«Jol-patrýl polıtsııasy ekıpajy eki kún ishinde qala kóshelerinde 2 457 jol erejesin buzýshyny ustady. Onyń ishinde 230 memlekettik tirkeý nómirinsiz júrgenderdi ustady. Olardyń arasynda 4 jalǵan memlekettik nómirmen júrgen kólik ıesi, 133 kórinbeıtin nómir taqqandardy anyqtaldy. 10 adam ishimdikke mas kúıinde ustaldy», - dedi ІІD Jergilikti polıtsııa basshysy Jasulan Baıkenov.
Sonymen qatar, shara aıasynda 97 kóliktiń terezesi qaramen tumshalanǵany anyqtalyp, qaýpsizdik belbeýin taqpaǵan 185 júrgizýshi ustaldy.
204 júrgizýshi jol ústinde telefonmen sóılesip ustalsa, 44 júrgizýshi apatty jaǵdaı týǵyzǵany úshin, 37 kólik ıesi jaıaý júrginshini jibermegeni úshin ákimshilik jazaǵa tartyldy.
