Almatyda eki kóshede kólik qozǵalysy shekteledi
ALMATY. QazAqparat- Almatyda Saın kóshesi men Abaı dańǵylynyń ýchaskeleri eki kúnge jabylady, dep habarlaıdy QazAqparat tilshisi.
Almaty qalalyq mobıldilik basqarmasynyń málimetinshe, ortasha jóndeý jumystarynyń aıasynda asfalt beton jabynyn tóseýge baılanysty 2 shilde saǵat 23:00-den 4 shilde 06:00 aralyǵynda túngi jáne kúndizgi ýaqytta ál-Farabı dańǵylynyń Rysqulbekov kóshesinen Dýlatı kóshesine deıingi bóliginde kólik qozǵalysy tolyǵymen shekteledi.
«Sondaı-aq jol qozǵalysy Asqarov, Toraıǵyrov, Mustafın jáne qaıtalama Saın kóshesimen júzege asyrylady. 3 shilde saǵat 23:00-den 5 shilde saǵat 06:00-ge deıin Abaı dańǵylynyń Tilendıev kóshesinen Rozybakıev kóshesine deıingi bóliginde kólik qozǵalysy tolyq shekteledi. Jol qozǵalysy Esenjanov, Sátbaev, Brýsılovskıı, Turǵyt Ozal kósheleriniń boıymen uıymdastyrylady»,- delingen habarlamada.
Basqarma keltirilgen qolaısyzdyq úshin almatylyqtardan keshirim surady.
Sonymen qatar júrgizýshilerge jol júrý baǵytyn aldyn ala josparlaýǵa keńes berdi.
