Almatyda eki qosalqy elektr stantsııasy salynyp jatyr
ALMATY. QazAqparat- Almatyda iri energonysandar salynyp jatyr. Bul týraly óńirlik kommýnıkatsııalar qyzmetinde ótken brıfıngte Almaty qalalyq energetıka jáne sýmen jabdyqtaý basqarmasynyń basshysy Sanjar Alın aıtty, dep habarlaıdy QazAqparat tilshisi.
Spıkerdiń sózinshe, basqarma 10 joba (Alataý, Jetisý, Medeý jáne Túrksib aýdandary) boıynsha jumystar júrgizýde, bıyl 4 joba iske qlsylady. Qalǵan jobalar 2023 jyly aıaqtalady. «Qazir iri energonysandar salynyp jatyr: 400 myń tutynýshyny qamtıtyn eki qosalqy stantsııanyń – «Almagúl» jáne «Tuzdybastaýdyń» qurylysy iri obektilerdiń biri bolyp tabylady. «Almagúl» qosalqy stantsııasynyń qurylysyn jyl sońyna deıin, al «Tuzdybastaý» qosalqy stantsııasynyń qurylysyn kelesi jyldyń shildesine deıin aıaqtaý josparlanyp otyr», - dedi Sanjar Alın.
Alataý jáne Bostandyq aýdandarynda 5 joba ázirlený satysynda, onyń memlekettik saraptama qorytyndysyn osy jyldyń sońyna deıin alý kózdelgen.
«Bıyl 22 magıstraldy kósheni jańǵyrtýdy aıaqtaý jáne 4 myńnan astam jaryq núktesin aýystyrý josparda»,- dedi.
