Almatyda eki kompanııaǵa memlekettik qoldaý kórsetiletin boldy
ALMATY. QazAqparat - «EFKO Almaty» jáne «Golden Food company», maı jáne konservilengen ónimderdi óndirý kompanııalary memleket tarapynan qoldaý tapty, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.
Qazaqstannyń Agroónerkásip keshenin damytý baǵdarlamasy sheńberinde atalǵan kompanııalar 2017-2021 jyldar aralyǵynda memleketten qoldaý taýyp otyr.
«Ótinim paıyzdyq mólsherlemeni sýbsıdııalaý jónindegi komıssııa otyrysynda maquldandy. Nesıelik paıyzdyq mólsherlemeni sýbsıdııalaý boıynsha berilgen memlekettik qoldaý 7%-ǵa borysh júktemesin azaıtady, bolashaqta únemdelgen qarjy óndiristi keńeıtýge jol ashpaq», delingen habarlamada.
Aıta ketsek, aýyl sharýashylyǵy ónimderi tikeleı otandyq fermerlerden satyp alynady, bul degenimiz baǵa saıasatynyń tómendeýine yqpal etedi, sondaı-aq Almaty aglomeratsııa aýdanynda Agroónerkásip kesheniniń damýyna sınenergetıkalyq áserin tıgizedi.
Aǵymdaǵy jyldyń 6 aıynyń qorytyndysy boıynsha, 218 taǵam ónerkásibi 130 mlrd teńgege ónim óndirdi, ótken jyldyń osy kezeńimen salystyrǵanda shamamen 30% -ǵa kóp.
Alaıda, tipti azyq-túlik ónimderiniń jekelegen túrlerin eskportqa shyǵarǵannyń ózinde Almaty ózin tek 35% qamtamasyz etip otyr, bul degenimiz ımport almastyrýdyń eleýli rezervin kórsetedi.
Demeý qarjy bólinip otyrǵan «Golden Food» JShS Qazaqstan naryǵynda 10 jyldan beri eńbek etip keledi. Kásiporyn konservi ónimderi men shaqpaq qant shyǵarady. Sonymen qatar, kókónis konservileri men adjıkalar ónidiredi. Taǵam ónerkásip basshylarymen jáne EDB ókilderimen kezdesýinde Almaty qalasy ákiminiń orynbasary Erlan Áýkenov AÓK damýynda kásipkerlerdiń qoldaýynyń mańyzdylyǵyn atap aıtty.
«Búgingi kúni Almaty qalasynda AÓK damýy men aýyl sharýashylyǵy ónimderin óńdeý basym bolyp tur. Importqa tutynylatyn irimshik pen qus etiniń jarty bóligi, 40% astam shujyq ónimderi men sary maı shyǵarylady. Bunyń barlyǵy óz elimizde óndiriledi jáne azyq-túlik ónimderiniń qaýipsiz ekenine negiz bola alady», - dedi Áýkenov.
Osy oraıda, memlekettik saıasat óndirýshilerdiń belsendiligin arttyrý men bıznesti keńeıtý úshin qolaıly jaǵdaı jasaýǵa baǵyttalǵan.
«QR AÓK damýy 2017-2021jyldaryna» memlekettik baǵdarlama sheńberinde, bıýdjetten nesıelik mindettemeler boıynsha paıyzdyq mólsherleme men nesıe kepildendirý jáne saqtandyrý aıasynda jańa óndiristerdi sýbsıdııalaýǵa 7,5 mlrd teńge bólindi.
Baǵdarlamaǵa qatysatyn kompanııalar sany 27-ge jetti. Aıta keterligi, Almatyda búgingi tańda azyq-túlik tamaq ónimimen aınalysatyn 218 kompanııa bar, onyń 185 shaǵyn bıznes ókili bolyp esepteledi.
Almaty ákiminiń orynbasary QR AÓK damytý memlekettik baǵdarlamasy tórt negizgi baǵyt boıynsha jumys istep jatqanyn aıtty. Baǵdarlama boıynsha jumystardy qarjylyq qoldaý kórsetý maqsatynda aǵymdaǵy jyly 1,5 mlrd teńge bólingen. Qazirgi ýaqytta onyń 400 mln teńgesi ıgerilgen.
Sonymen qatar, «QR AÓK damýy» baǵdarlamasy aıasynda paıyzdyq mólsherlemeni sýbsıdııalaý jáne aýyl sharýashlyǵy tehnıkalary men tehnologııalyq jabdyqtardy lızıngke berý baǵyty boıynsha 2017 jyly 2,8 mlrd teńge bólingen. Alǵashqy jarty jyldyqta onyń 892 mln teńgesin ıgerilgen.
Almaty ákiminiń orynbasary Áýkenov AÓK-ni damytýǵa bólingen qarjy Bıznestiń jol kartasyn damytý baǵdarlamasyna bólingen qarjydan 1,5 ese kóp ekenin aıtty.
Eske sala keteıik, byltyr Almatyda «Bıznestiń jol kartasy -2020» baǵdarlamasy aıasynda 3,2 mlrd teńge bólingen. Bólingen qarjy tolyǵymen ıgerilgen. Atalǵan baǵdarlama aıasynda 2016 jyly 306 joba maquldanyp, 198-ne demeý qarjy bólingen. 2017 jyly 31 shildedegi málimet boıynsha atalǵan membaǵdarlama boıynsha 73 joba maquldanyp, 16,98 mlrd teńge neıse berilgen.
Eske sala keteıik, QR AÓK 2017-2021 jyldary aralyǵynda damytý memlekettik baǵdarlamasy bıylǵy aqpan aıynda maquldanǵan bolatyn. Baǵdarlamany júzege asyrý úshin respýblıkalyq jergilikti bıýdjetten 2017-2021 jyldary aralyǵynda 2,4 trln teńge bólý qarastyrylǵan. Onyń ishinde 359,7 mlrd teńge 2017 jyly bólinýi tıis.
