Almatyda eki kolledjdiń stýdentteri arasynda jappaı tóbeles boldy

ALMATY. QazAqparat - Almaty polıtsııasy jappaı tóbelestiń jolyn kesti, dep habarlaıdy QazAqparat.

22 qazanda 102 arnasyna Baıtursynov pen Jambyl kósheleriniń qıylysynda bir top jastar arasyndaǵy tóbeles týraly habarlama kelip tústi.

Dabylǵa birinshi bolyp patrýldik polıtsııa ekıpajdary den qoıdy. Olar tóbelesti toqtatty.

Eki kolledjdiń bilim alýshylary arasynda janjal týyndaǵany anyqtaldy.

Onyń shyǵý sebebi naqtylanlady. Zardap shekkender joq.

«Osy fakti boıynsha QR QK 293-baby 2-bóligimen (buzaqylyq) qylmystyq is tirkeldi. Tóbeleske qatysýshynyń árqaısysynyń is-áreketine Qazaqstan zańnamasyna sáıkes sharalar qabyldana otyryp, quqyqtyq baǵa beriledi», - dedi Almaly aýdandyq polıtsııa basqarmasynyń bastyǵy Esen Ysqaqov.

Vıdeodan alynǵan kadr