Almatyda eki kóliktiń ústine aǵash qulady
Onyń vıdeosy áleýmettik jelide tarady.
Almaty qalalyq Tótenshe jaǵdaılar departamentiniń málimetinshe, 24 tamyzda saǵat 13:05-te oqıǵa ornynda bolǵan adamdardan Almaly aýdanynda Ádı Sháripov kóshesiniń boıynda 120 úıdiń janynda Kia Rio, Chevrolet Cobalt markaly eki avtokólikke aǵash qulaǵany týraly habar kelip túsken.
«Oqıǵa ornyna tazartý jumystaryn júrgizý úshin Almaty qalasy ákimdiginiń 109 qutqarý qyzmetiniń jumysshylary jiberildi. Qurbandar men zardap shekkender joq», - dep habarlady vedomstvodan.
Buǵan deıin Almatyda 84 myńnan astam aǵashtyń shirip turǵany jaıly aıtqan edik.
Sondaı-aq bıyl qala ákimdigi qaýipti, shirigen jáne eski jasyl jelekterdi ýaqytyly joıý jáne anyqtaý úshin zamanaýı qurylǵylar satyp alatyny týraly jazǵan bolatynbyz.