Almatyda eki kólik soqtyǵysyp, júrgizýshileri qaza tapty
ALMATY. QazAqparat - Almatyda eki kólik betpe-bet soqtyǵysyp, eki adam kóz jumdy, dep habarlaıdy QazAqparat tilshisi.
Jol apaty túngi 23:45–te Raıymbek kóshesinde bolǵan.
«Toıota» kóligin tizgindegen 31 jastaǵy júrgizýshi shyǵys baǵytta kele jatqanda qarama qarsy jolaqqa shyǵyp ketip, «Sýbarý» kóligimen soqtyǵysqan. «Sýbarý» rýlinde 38 jastaǵy er adam bolǵan.
Jol apatynan eki júrgizýshi de sol jerde mert boldy.
«Sýbarý» jolaýshysy túrli jaraqatpen aýrýhanaǵa jetkizildi.
Bul derek QR QK 345-babynyń 4-bólimimen biryńǵaı tergeý isi reestrine tirkeldi. Polıtsııa departamenti tergeýdi jalǵastyryp jatyr.
