Almatyda eki kólik soqtyǵysyp, úılerdiń qorshaýyn qıratty
ALMATY. QazAqparat -Almatyda «Honda» men «Mitsubishi Pajero» soqtyǵysyp, jer úılerdiń qorshaýyn qıratty, dep habarlaıdy QazAqparat tilshisi.
Jol-kólik apatynyń vıdeosy áleýmettik jelide tarady.
Qalalyq polıtsııa departamentiniń baspasóz qyzmeti málim etkendeı, jol-kólik oqıǵasy 7 tamyz túngi saǵat 22:50 shamasynda bolǵan.
«Honda» avtokóliginiń júrgizýshisi Enıseı kóshesimen shyǵys baǵytta kele jatyp Papanın kóshesiniń qıylysynda 2.5 jol belgisin elemeı, Papanın kóshesimen ońtústik baǵytta qozǵalyp bara jatqan «Mitsubishi Pajero» kóligine soǵyldy.
Saldarynan «Honda» atokóligi joldan shyǵyp ketip, jer úıdiń temir qorshaýy men gaz qubyrynyń tiregine soǵyldy.
Apat saldarynan eki kólik te mehanıkalyq zaqym alǵan.
«Júrgizýshilerdi oqıǵa ornynda jedel járdem brıgadasy qarady, olar aýrýhanaǵa jatýdan bas tartty. Atalǵan fakt boıynsha tekserý bastaldy», - dedi Almaty qalasy polıtsııa departamentiniń tergeý basqarmasynyń Oljas Sháripov.
Foto:instagram.com/kris.p.original
