Almatyda eki kólik soqtyǵysyp, bir adam zardap shekti
ALMATY. QazAqparat - Ál-Farabı dańǵylynda kólik róline ıe bola almaǵan BMV júrgizýshisi jol apatyna sebep boldy, dep habarlaıdy QazAqparat tilshisi oqıǵa ornynan.
Almaty qalasyndaǵy Ál-Farabı dańǵylynyń Rozybakıev kóshesimen qıylysynda BMV men Mersedes kólikteri soǵylyp, bir adam zardap shekti.
Mersedes júrgizýshisiniń aıtýynsha, eki kólikte batysqa qaraı kele jatqan. Bir mezette BMV júrgizýshisi kólik róline ıe bola almaı bulǵalaqtaı bastaıdy. Qatty teńselgen kólik áýeli jol ortasyndaǵy temir qorshaýǵa soǵylyp, keıin ekpinimen Mersedesti baryp urǵan.
Oqıǵa ornynda BMV júrgizýshisi jaraqat alyp, jedel járdem kóligimen aýrýhanaǵa jetkizildi. Polıtsııa jol apatynyń naqty sebebin anyqtaýǵa kiristi.
