Almatyda eki kólik soqtyǵysyp, bir adam mert boldy
ALMATY. QazAqparat - Almatyda «Toyota Caldina» men «Mercedes-Benz» avtokólikteri soqtyǵysyp, júrgizýshilerdiń biri oqıǵa ornynda kóz jumdy, dep habarlaıdy QazAqparat tilshisi.
Jantúrshigerlik jol apatynan vıdeo áleýmettik jelilerde paıda boldy.
Almaty qalalyq Polıtsııa departamenti baspasóz qyzmetiniń málimetinshe, oqıǵa búgin saǵat 15: 30-da Shyǵys aınalma jolynda bolǵan.
«Mercedes» avtokóliginiń júrgizýshisi 1990 jyly týǵan azamat D. Shyǵys aınalma jolynda Saharıev kóshesiniń soltústik jaǵynda «Toyota Caldina» avtokóligimen soqtyǵysty. Apat saldarynan «Mercedes-Benz» júrgizýshisi oqıǵa ornynda kóz jumdy. Atalǵan fakti sotqa deıingi tergeýdiń biryńǵaı tizilimine QR QK-niń 345-baby 3-bóligi boıynsha tirkeldi. Tıisti saraptamalar taǵaıyndaldy», - dep habarlady polıtsııadan.
