Almatyda eki kólik soqtyǵysyp, 2 adam kóz jumdy
ALMATY. QazAqparat - Almaty mańynda eki kólik soqtyǵysyp, eki adam kóz jumdy, dep habarlaıdy QazAqparat tilshisi.
Jol-kólik apatynyń sýreti áleýmettik jelide tarady.
Almaty oblysy polıtsııa departamentiniń baspasóz qyzmetiniń málimetinshe, apat 6 shilde kúni saǵat 00:10 shamasynda bolǵan. Almaty-Jandosov-Besmoınaq tas jolynyń shyǵys baǵytynda «Toyota Land Cruiser» avtokóliginiń 18 jastaǵy júrgizýshisi rýlge ıe bola almaı, qarsy jolaqqa shyǵyp ketip, «Toyota Avensis» kóligimen soqtyǵysty.
«Apat saldarynan «Toyota Avensis» avtokóliginiń júrgizýshisi men onyń 26 jastaǵy jolaýshysy alǵan jaraqattarynan sol jerde kóz jumdy. Al «Toyota Land Cruiser» kóliginiń 18 jastaǵy júrgizýshisine qatysty qylmystyq is qozǵaldy. Barlyq qajetti saraptamalar taǵaıyndaldy «, - dep habarlady polıtsııadan.
