Almatyda eki kólik soqtyǵysty, zardap shekkender bar
ALMATY. QazAqparat - Almatyda eki jeńil kólik soqtyǵysty, kináli júrgizýshi oqıǵa ornynan qashyp ketti, dep habarlaıdy QazAqparat tilshisi.
Jol-kólik apatynyń vıdeosy áleýmettik jelide tarady.
Qalalyq polıtsııa departamantiniń baspasóz qyzmeti málim etkendeı, jol-kólik oqıǵasy 30 mamyr keshki saǵat 19:40 shamasynda bolǵan.
«Daimler Benz» kóligin basqarǵan belgisiz júrgizýshi Beısenov kóshesimen Býtakovka shaǵynaýdanyna soltústik baǵytta kele jatyp, Kereı-Jánibek handar kóshesinde qarsy jolaqqa shyǵyp ketti.
Sóıtip ońtústik baǵytta kele jatqan «Toyota RAV4» kóligimen soqtyǵysty.
Saldarynan «Toyota RAV4» kóliginiń júrgizýshisi men jolaýshysy jaraqat alyp, aýrýhanaǵa jetkizildi.
«Jol apatyna kináli júrgizýshi oqıǵa ornynan qashyp ketken. Qazir ony ustaý sharalary júrgizilip jatyr», - deıdi Almaty qalasy polıtsııa departamenti tergeý basqarmasynyń bastyǵy Oljas Sháripov.
