Almatyda eki qabatty turǵyn úıden shyqqan órt sóndirildi
ALMATY. QazAqparat - Almatyda eki qabatty turǵyn úıden shyqqan órt sóndirildi. Órttiń aýmaǵy - 80 sharshy metrdi qurady. Bul týraly jańa ǵana Almaty qalalyq TJD resmı ókili Sandýǵash Baımuhambetova habarlady.
«Eki qabatty jeke turǵyn úıden shyqqan órt 19 saǵat 22 mınýtta sóndirildi. Órttiń jalpy aýmaǵy - 80 sharshy metrdi qurady. Zardap shekkender týraly málimet joq», - dedi S. Baımuhambetova.
Esterińizge sala ketelik, búgin 18 saǵat 21 mınýtta Almaty qalalyq TJD «101» kezekshi bólimine Medeý aýdany, Odesskaıa kóshesi 7 mekenjaıynda ornalasqan eki qabatty jeke turǵyn úıdiń órtenip jatqany týraly habar kelip túsken bolatyn. Alǵashqy órt sóndirýshiler toby oqıǵa ornyna 8 mınýttan keıin, ıaǵnı 18 saǵat 29 mınýttta kelip jetip, órtti sóndirýge kiristi. Tilsiz jaý 18 saǵat 39 mınýtta aýyzdyqtaldy.
