Almatyda eki qabatty tseh órtendi
ALMATY. QazAqparat - Almaty qalasnyda shatyrdyń qańyltyryn jasaıtyn eki qabatty ǵımaratta oranalasqan tseh otqa orandy, dep habarlaıdy QazAqparat.
Órt týraly habar saǵat 02:03-de kelip túsken. Tseh Jetisý aýdanyndaǵy brodskıı kóshesinde orynalasqan.
«Alǵashqy órt sóndirýshi mashına shaqyrǵan jerge 7 mınýttan soń, 02:10-de jetti. Budan soń onyń artynan kómekke taǵy da birqatar tehnıka men jasaq attandyryldy. Temir ónimder men shatyr qańyltyryn jasaıtyn tseh otqa oranǵany anyqtaldy. Órt sóndirýshiler jalyndy 02:59-da oqshaýlap, bir saǵattan soń 03:10-da tolyq sóndirdi», - dep málim etti qalalyq TJD-nyń resmı ókili Sandýǵash Baımuhambetova.
Órt sóndirý qyzmetiniń málimetinshe, jalyn 290 sharshy metr jerge zaqym keltirgen. Al ǵımarattyń tolyq aýdany 750 sharshy metr. Oqys oqıǵadan eshkim zardap shekpedi.
