Almatyda eki er adam bir áıel úshin janjaldasyp, sońy qaıǵyly aıaqtaldy
ALMATY. 22 shilde. QazAqparat - Almatyda Túrkisib aýdanyndaǵy jeke sektordaǵy turǵyn úıdiń kire berisinde keýde tusynyń sol jaǵynan pyshaq jaraqatyn alǵan 1986 jyly týǵan er adamnyń múrdesi tabyldy,
dep habarlaıdy qalanyń ІІD baspasóz qyzmetinen.
Túrkisib ІІB qyzmetkerleri qylmysty jasaǵanyn moıyndaǵan 1973 jyly týǵan almatylyqty quryqtady.
Ustalǵan zardap shekken adammen birge ishimdik ishkenderin, keıinnen bir áıel úshin janjaldasyp, tóbeleskenderin aıtqan.Nátıjesinde ol qasyndaǵy er adamdy pyshaqpen jaıratyp salǵan.
Zardap shekken adamnyń denesin onyń áriptesi taýyp alǵan. Onyń aıtýynsha, túngi saǵat birler shamasynda onyń áriptesi telefon soǵyp, ózin kórshisi uryp jatqanyn aıtyp, sol jerge kelýin suraǵan.
96-bap boıynsha qylmystyq is qozǵaldy. Sot-medıtsınalyq saraptama taǵaıyndaldy. Ustalǵan ýaqytsha ustaý oqshaýlaǵyshyna qamaldy.
