Almatyda eki emhananyń vaktsınatsııa pasportyn satqany anyqtaldy
ALMATY. QazAqparat - Almaty qalalyq qoǵamdyq densaýlyq saqtaý basqarmasynyń bastyǵy Narıman Tabynbaev onlaın brıfıng barysynda vaktsınatsııa pasporttaryn satý isi boıynsha tergeý júrip jatqanyn aıtty, dep habarlaıdy QazAqparat tilshisi.
«Ókinishke oraı, bul faktiler eki emhanada rastaldy. Ekeýi de quqyq qorǵaý organdaryna jiberildi. Tergeý júrip jatyr. Ol áli aıaqtalǵan joq. Sondyqtan ázirge eshteńe aıta almaımyz. Aqparat alǵan kúni ózderińizben bólisemiz»,- dedi Almatynyń bas dárigeri.
Spıkerdiń aıtýynsha, mundaı jaǵdaılardyń aldyn alý boıynsha jumystar júrgizilip jatyr.
«Biz mundaı jaǵdaılardyń qaıtalanbaýy úshin jumys istep jatyrmyz. Barlyq emhanalarda túsindirý jumystary júrgizilip, qatań baqylaýǵa alyndy «, - dep túıindedi Narıman Tabynbaev.
