Almatyda eki emhana salynady

ALMATY. QazAqparat- Bostandyq aýdanynda Qazan aıynda 300 oryndyq «Balalar jedel járdem ortalyǵynyń» operatsııalyq blogymen birge qabyldaý bólimshesiniń jańa korpýsy ashylady, dep habarlaıdy QazAqparat tilshisi.

Bul týraly qala turǵyndarymen kezdesýde megapolıs basshysy Erbolat Dosaev málimdedi.

Aıtýynsha, medıtsınalyq mekemelerge júktemeni azaıtý maqsatynda ákimdik 6 densaýlyq saqtaý nysanyn salyp, keıbirin qaıta jańartpaq.

«Ál-Farabı dańǵyly men Syrǵabekov kóshesi, ıÝ. Gagarın dańǵyly men Levıtan kóshesiniń qıylysynda árqaısysy 500 oryndyq 2 jańa emhananyń jáne Jandosov kóshesi 6 mekenjaıynda Ortalyq qalalyq klınıkalyq aýrýhanasynyń 500 oryndyq jańa korpýsy jobalanýda. Bul nysandardyń qurylysy 2024 jyly bastalady», - dedi ákim.

Sondaı-aq perınatologııa jáne balalar kardıohırýrgııasy ortalyǵynyń ǵımaratyna, №4 jáne №12 emhana kúrdeli jóndeýden ótedi. Jóndeý jumystary qarasha aıynda, al Perınatologııa jáne balalar kardıohırýrgııasy ortalyǵy kelesi jyldyń naýryz aıynda bastalady.

Aıta keteıik, maýsym aıynda «Kerýen Medicus» medıtsınalyq ortalyǵynda 40 oryndyq jańa perzenthana korpýsy jáne aýysymyna 300 kelýshige arnalǵan emhana ashyldy.