Almatyda eki dámhana ıesi las sýdy Úlken Almaty ózenine aǵyzyp otyrǵan

ALMATY. QazAqparat - Almaty qalasy arnaıy tabıǵatty qorǵaý prokýratýrasy qaladaǵy nysandarǵa tekseris júrgizdi, dep habarlaıdy QazAqparat tilshisi qalalyq Prokýratýranyń baspasóz qyzmetinen silteme jasap.

Tekserýge Balqash-Alakól basseındik ınspektsııasy, Ekologııa departamenti, Almaty qalasynyń Taýarlar men kórsetilgen qyzmetterdiń sapasy men qaýipsizdigin baqylaý departamenti, Jasyl ekonomıka basqarmasynyń ekologııa bólimi, Jergilikti polıtsııa qyzmeti mamandarynan turatyn arnaıy top quryldy.

Reıd barysynda sý obektilerin lastaý, sý qorǵaý aımaǵynyń rejımin buzý, ózen arnasynyń jaǵalaýyn lastaý derekteri anyqtaldy.

Іle-Alataý memlekettik tabıǵı ulttyq parkiniń aýmaǵynda 2 dámhana ıeleri las sýdy «Úlken Almaty» ózenine aǵyzý úshin zańsyz qubyr ornatqan.

Medeý aýdanynda - 2, Alataý jáne Túrksib aýdandarynyń árqaısysynda 6 turǵyn úı ıesi las sýdy ózen nemese aryq boıyna aǵyzyp jiberip otyrǵan.

«Úlken Almaty», «Aşybulaq», «Qarǵaly» jáne «Tereńqara» sý obektilerinen alynǵan synamalar boıynsha júrgizilgen mıkrobıologııalyq jáne sanıtarlyq-hımııalyq zertteýler, sý quramynyń sanıtarııalyq-epıdemıologııalyq talaptaryna saı kelmeıtinin kórsetti.

Zańǵa qaıshy áreketteri úshin kináli tulǵalardy ákimshilik jaýapqa tartý jumystary bastaldy.

Sonymen qatar ózen jaǵalaýyn qoqys-qaldyqtarmen lastaǵan jekemenshik úı ıelerine qatysty 40-tan astam ákimshilik hattama toltyrylyp, eskertý berildi.