Almatyda eki balanyń anasy joǵalyp ketti
ALMATY. QazAqparat - Almatyda joǵalyp ketken eki balanyń anasy izdestirilip jatyr, dep habarlaıdy QazAqparat tilshisi.
20 jastaǵy Kýtashova Olga Malovodnoe aýylyndaǵy úıinen 1 maýsymda shyǵyp ketken. Ol Almatydaǵy anasynyń úıine barmaq bolǵan. Alaıda, áıel anasynyń úıine kelmegen. Uıaly telefony óship tur.
Olganyń anasy Sharıkova Pavlına qazaqstandyqtarǵa vıdeoúndeý jarııalady.
«Sizderden kómek suraımyn. 1998 jyly týǵan qyzym Kýtashova Olga Sergeevna 1 maýsymda úıden shyqqan. Sodan beri odan habar joq. Úıinde joldasy, eki balasy kútip otyr. Qyzym, sen meni tyńdap otyrsań, úıge qaıtýyńdy ótinemin», - dedi anasy Sharıkova Pavlına.
Boıjetkenniń týystary Almaly aýdandyq ІІB-ge aryz jazdy. Qazir Olgany izdestirýge polıtsııa qyzmetkerleri de kiristi.
