Almatyda eki balaǵa ıis tıdi
ALMATY. QazAqparat - Almatyda pesh tútindigindegi aqaý bolýy saldarynan eki balaǵa ıis tıip, aýrýhanaǵa jatqyzyldy, dep habarlaıdy QazAqparat tilshisi TJD-ǵa silteme jasap.
TJD qyzmetiniń habarlaýynsha, 1 aqpan kúni Alataý aýdanyndaǵy Áıgerim yqshamaýdanyndaǵy jer úılerdiń birindegi peshtiń tútindiginde aqaý bolýyna baılanysty 6 jas jáne 3 aılyq sábıge ıis tıip, aýrýhanaǵa jatqyzylǵan.
«Úı ıesi peshti ot jaǵý maýsymyna daıyndamaǵan, ıaǵnı ishin tazalamaǵany anyqtaldy. Belgili bolǵany, jeltoqsan jáne qańtar aılarynda TJ boıynsha Alataý aýdandyq bóliminiń ınspektorlary úı ıelerimen qaýipsizdiń sharalaryn saqtaý týraly sóılesken. Medıtsına qyzmetkerleriniń habarlaýynsha, eki balanyń densaýlyq jaǵdaıy – qalypty, jeńil deńgeıde ýlanǵan. Olardyń ómiri men densaýlyǵyna qaýip tónip turǵan joq», - deıdi TJD baspasóz qyzmeti.
Baspasóz habarlamasynda kún jylynyp ketkenine qaramastan, peshtegi aqaýlardy jóndeý kerektigi jazylǵan.
