Almatyda eki avtobýs soqtyǵysyp, alty adam jaraqat aldy
ALMATY. QazAqparat - Almatyda 2 aqpan kúni saǵat 08:30-da ál-Farabı dańǵylynda, Jarokov kóshesiniń batysyna qaraı kólik apaty boldy. Eki qoǵamdyq kólik soqtyǵysty, dep habarlaıdy QazAqparat Іshki ister mınıstrligine silteme jasap.
Jergilikti polıtsııa qyzmeti kezekshi bóliminiń málimetinshe, 31-baǵyttaǵy Yutong qoǵamdyq kóliginiń júrgizýshisi dańǵylmen batys baǵytta kele jatyp, aldyn ala boljam boıynsha, araqashyqtyqty saqtamaý saldarynan aıaldamada turǵan 116-baǵyttaǵy SAZ qoǵamdyq kóligimen soqtyǵysqan.
Aldyn ala derekterge qaraǵanda, alty adam dene jaraqatyn aldy.
Jol apatynyń deregin Bostandyq aýdandyq polıtsııa basqarmasynyń qyzmetkerleri óndiriske qabyldady.
Foto: polisia.kz
