Almatyda eki avtobýs soqtyǵysty
ALMATY. QazAqparat - Almatyda Tóle bı - Abylaı han kósheleriniń qıylysynda eki avtobýs soqtyǵysty, dep habarlaıdy QazAqparat tilshisi.
Oqıǵaǵa kýá bolǵandardyń aıtýynsha, zardap shekkender kóp.
«Tóle bı - Abylaı han kósheleri qıylysynyń dál ortasynda jan túrshigerlik apat boldy. Eki avtobýs soqtyǵysyp, saıabaqqa kirip ketti. Jolaýshylarǵa obal boldy, kóptegen zardap shekkender bar», - dep jazdy oqıǵa kýágeri Facebook-te.
Almaty qalalyq Mobıldilik basqarmasynyń málimetinshe, quzyrly organdar oqıǵa ornynda jumys isteýde.
Jol-kólik apatynyń sebebin polıtsııa qyzmetkerleri anyqtaýda.
Almatyda jaqynda ǵana taǵy bir qoǵamdyq kólik jol apatyna ushyraǵan edi. Ol kezde júrgizýshi rýlge ıe bola almaı qalyp, turǵyn úıge soǵylǵan bolatyn.
Foto: facebook.com/Gýlmıra Ileýova
