Almatyda eki aýdanda sý basý saldaryn joıý jumystary jalǵasyp jatyr
ALMATY. QazAqparat - Alataý jáne Jetisý aýdandarynda qarǵyn sý saldaryn joıý jumystary jalǵasyp jatyr, dep habarlaıdy Almaty qalalyq TJD baspasóz qyzmeti.
Shara aıasynda aýlalardy, joldardy laı massasynan aryltý jumystary júrgizilip jatyr.
Azamattyq qorǵanys tobynyń kúshi jáne quralymen (jeke quramnyń 502 adamy, túrli maqsattaǵy 64 tehnıka, 20 motosorǵy) 114 úı aýlasy tazalandy. 2840 sharshy metr sý sorylyp alyndy. 640 m. kvartalishilik jol tazalandy jáne 1420 sharshy metr laı massasy syrtqa shyǵaryldy.
Eske sala keteıik, 2016 jyldyń 29 sáýirinde Almaty aýmaǵynda túsken jaýyn-shashyn mólsheri 55 mm boldy (bir tún ishinde 43, bir kún ishinde 12 mm). Bul ortaq aılyq kórsetkishten áldeneshe ese artyq. Shelektep quıǵan nóser jaýyn saldarynan Qarǵaly ózeniniń sý deńgeıi artyp, qalanyń tómengi aýdandaryn sý basty.
