Almatyda eki aýdan ystyq sýdan ajyratylady
ALMATY. QazAqparat - Almatyda Naýryzbaı jáne Medeý aýdandarynda 3 qazandyqtyń jóndeýge jabylatynyna baılanysty 10 kún boıy birqatar aýdandar ystyq sýdan ajyratylady, dep habarlaıdy QazAqparat tilshisi.
«Premera», «Oblystyq aýrýhana», «Elaman» qazandyqtarynda josparly jóndeý jumystary júrgiziledi. Osyǵan baılanysty 9-15 shilde aralyǵynda Atbasar - Talǵar tas joly - Brıgadnaıa - Demchenko, Býrovaıa - Rysqulov - Qulja tas joly, «Atyraý-1» shaǵyn aýdanynda; 9 - 30 shilde aralyǵynda Suranshy batyr - Beljaılaý - Stroıtelnaıa - Jaqybaev kósheleri aýdanynda ystyq sý bolmaıdy. Jóndeý jumystary qysta apat sanyn azaıtyp, turǵyndarǵa shyǵynsyz jylý jetkizý maqsatynda júrgizilip otyr. Túsinikpen qaraýlaryńyzdy suraımyz», - dedi Almaty jylý jelileri kompanııasynan.
Aıta ketý kerek, buǵan deıin Alataý aýdany men Jetisý aýdanynda birqatar turǵyn úı kesheni ystyq sýsyz qalǵan bolatyn.
Sondaı-aq Bostandyq jáne Naýryzbaı aýdandarynda sýyq sý berý toqtatylǵandyǵy týraly habarlandy.
