Almatyda eki astyrtyn oıynhana áshkerelendi
ASTANA. 26 aqpan. QazAqparat - Almatyda Qarjy polıtsııasy arnaıy jasaq jaýyngerleriniń qoldaýymen eki astyrtyn oıynhana jumysyna tosqaýyl qoıdy,
dep habarlaıdy 24.kz.
Oıynhanalar qalanyń Bostandyq aýdanynda ornalasqan. Almaty qalasy boıynsha Ekonomıkalyq qylmys jáne sybaılas jemqorlyqpen kúres departamentiniń baspasóz qyzmeti málim etkendeı, birinshi oıyn zalynda pokerge arnalǵan 2 ústel, fıshkalar men kartalar anyqtalǵan. Kóleńkeli bıznes aınalymynan 70 myń teńgeden asa qarajat tárkilendi.
Ekinshi kazınodan 10 poker ústeli men 120 myń teńge tabyldy. Qylmyskerlerdi ustaý kezinde zalda 40-qa jýyq oıynshy otyrǵan. Qazirgi ýaqytta tergeý amaldary júrgizilip jatyr.
«Tekseris barysynda olar kim oıynshy nemese kim osy zańsyz oıyn zalynyń qyzmetkeri retinde ózderiniń túsiniktemelerin qaldyrdy. Qazirgi tańda naqty osy oıyn zaldaryn uıymdastyrýshy anyqtalǵannan keıin, soǵan qatysty qylmystyq is qozǵalatyn bolady»,- deıdi Almaty qalasy boıynsha EQJSJQK departamenti baspasóz qyzmetiniń jetekshisi Jaqsylyq Jaqubaev.
