Almatyda eki aptada 90 myńǵa jýyq adam jumysqa shyqpaq
ALMATY. QazAqparat – Almaty qalasy ákiminiń orynbasary Saparbek Tuıaqbaev 27 sáýirden bastap qaladaǵy qandaı uıymdarǵa jumys isteýge ruqsat etilgeni týraly aıtty, dep habarlaıdy QazAqparat tilshisi.
«Búgin Almaty qalasynda ekonomıkanyń birqatar salalaryn qalpyna keltirýdiń ekinshi kezeńi bastaldy. Atap aıtqanda, karantın kezinde keıbir salalar shekteýli rejımde jumys jasady: kólik, qoıma, aqparattyq jáne kommýnıkatsııalyq tehnologııalar. Bul sektorlar tolyǵymen ashylady. Bul salalardaǵy barlyq kásiporyndarǵa erteń jumysqa shyǵýǵa ruqsat etilgen «, - dedi Almaty qalasy ákiminiń orynbasary Saparbek Tuıaqbaev onlaın-brıfıng barysynda.
Sonymen qatar, 50% deıin qarjy sektoryna ruqsat beriledi. Onyń ishinde ekinshi deńgeıli bankter, mıkroqarjy uıymdary,saqtandyrý kompanııalary, brokerlik uıymdar jáne lombardatar, aqsha aıyrbastaý pýkterin qospaǵanda.
«Lombardtarǵa tutynýshylardy qabyldaýsyz, tek ýákiletti organda eseptik tirkeýden ótýge ruqsat beriledi. Sondaı-aq, bızneske arnalǵan kásibı qyzmet kóresetý salasynda: konsaltıngtik qyzmeter, aýdıt, býhgalterlik, zańgerlik. Bul sektorda kompanııa qyzmetkerleriniń 50% -na deıin jumys isteýge bolady. Sonymen qatar, taýarlardy úılerine jetkizip beretin kompanııalarǵa ruqsat bar», - dep tolyqtyrdy ákim orynbasary.
Sondaı-aq, ol STO, dóńǵalaq aıyrbastaý, kólik jýý, orgtehnıka men turmystyq tehnıkany jóndeıtin ortalyqtar, jarnama agenttikteri, avtosalondardyń klıentterge kólik satpaı tehnıkalyq qyzmet kórsetýine bolady. Kólik jýý jáne avtosalondar aldyn ala jazylý boıynsha jumys isteýi kerek.
«Ruqsat berilgen kásiporyndarǵa eki aptada 90 myńǵa jýyq adam jumysqa shyǵady dep kútilýde», - dedi Saparbek Tuıaqbaev.
