Almatyda eki adamdy kólik qaǵyp ketti
ALMATY. QazAqparat – Almatyda «Mercedes» avtokóligi eki adamdy qaǵyp ketti. Jaıaý júrginshiler ruqsat etilmegen jerden joldy kesip ótpek bolǵan, dep habarlaıdy QazAqparat tilshisi.
Qaıǵyly oqıǵa keshe túnde Abaı dańǵyly men Altynsarın kóshesiniń qıylysy mańynda bolǵan.
Kýágerlerdiń aıtýynsha, er adam men áıel adam ruqsat etilmegen jerde joldan ótpek bolǵan. Júrgizýshi toqtap úlgermeı, bar jyldamdyqpen er adamdy qaǵyp ketken.
Saldarynan, 71 jastaǵy er adam oqıǵa ornynda qaza tapty. Áıel adam aýrýhanaǵa jetkizildi. Jantúrshigerlik jol kólik oqıǵasynyń beınejazbasy Instagram-daǵy pavlıkterdiń birinde paıda boldy.
