Almatyda eki adam avtobýs júrgizýshisin soqqyǵa jyqty
ALMATY. QazAqparat - Almatyda eki er adam avtobýs júrgizýshisin soqqyǵa jyqty, dep habarlaıdy QazAqparat.
Qoǵamdyq kólik júrgizýshisine qol kótergenderdiń beınejazbasy Instagram-daǵy paraqshada jarııalandy.
Qoǵamdyq kólik ishindegi beınebaqylaýdan er adamnyń avtobýsqa kirip, júrgizýshiniń qasyna kelgeni kórinedi. Keıin olardyń ózara daýlasyp jatqanyn baıqaýǵa bolady. Bir kezde avtobýsqa mingen adam júrgizýshige qol jumsaıdy. Olardyń janyna taǵy bir er adam júgirip keledi.
Jolaýshylar tasymaldaıtyn «Batý Trevel» kompanııasynyń málimetinshe, keleńsiz oqıǵa 21 shilde kúni bolǵan.
«Ol kezde avtobýs júrgizýshisi janarmaı beketine bara jatqan. Avtobýstyń aldyn kesip kólik toqtaǵan. Jol-kólik oqıǵasynan qashyp, solǵa burylǵan avtobýs júrgizýshisi oǵan sıgnal berip ketedi. Qoǵamdyq kólik júrgizýshisiniń bul qylyǵy unamaǵan bolý kerek, ol avtobýsty qýyp jetip, jolyn bógeıdi. Keıin avtobýsqa kirip, júrgizýshini soqqyǵa jyqqan. Pyshaqpen qorqytqan», - deıdi kompanııa ókili.
Avtobýs júrgizýshisi qashyp shyǵyp, janarmaı bekitindegi adamdardan kómek suraǵan. Tártip saqshylary buzaqylardy bir kúnnen keıin ustady.
«Buzaqylar mas bolyp shabýyldaǵan. Olar kinásin moıyndady, keshirim surady, moraldyq shyǵyn tóledi, júrgizýshi keshirdi», - dedi kompanııadaǵylar.
