Almatyda «Egizder parady» bolyp ótti
MATY. 29 qarasha. QazAqparat /Názıra Eleýhan/ - Búgin Almatyda «Egizder parady» bolyp ótti. Balalar qaıyrymdylyq merekesi reprodýktıvtik medıtsına ınstıtýtynyń «Eko» ortalyǵy jáne reprodýktıvtik medıtsınanyń qazaqstandyq qaýymdastyǵynyń bastamasymen jáne «MedEkspo» JShS-niń uıymdastyrýymen el Táýelsizdiginiń 20 jyldyq merekesine oraı arnaıy uıymdastyryldy.
Merekege jáne shara aıasynda ótkizilgen sherýge shamamen 300-ge tarta egizder jáne 50-ge jýyq úshemder - qosymsha reprodýktıvtik tehnologııalardy paıdalanýdyń arqasynda dúnıege kelgen táýelsiz Qazaqstannyń baldyrǵan azamattary jáne olardyń baqytty ata-analary qatysty. Mereke barysynda kishkentaı qonaqtarǵa arnalyp oıyn-saýyq baǵdarlamalary, táttiler tartýy men kontserttik baǵdarlama usynyldy. Ár baldyrǵanǵa syılyqtar da tabystaldy.
"«EKO» ekstrakorporaldyq uryqtandyrý ortalyǵynyń ashylǵanyna 16 jyl boldy. Osy jyldar ishinde ortalyqtyń kómeginiń, bizdegi qyzmet jasaıtyn 100-den astam mamandardyń arqasynda 6 myńnan astam bala dúnıege keldi. Ata-analary qýanysh pen baqytqa kenelip, áke-ana ataný baqytyna ıe boldy. Bul bizdiń úlken jetistigimiz, qyzmetkerlerimizdiń jetistikti jemisi, el demografııasyna qosyp otyrǵan úlken úlesimiz",-dep atap ótti «EKO» ekstrakorporaldyq uryqtandyrý ortalyǵynyń dırektory Tamara Júsibalıeva.
Onyń aıtýynsha, zamanaýı reprodýktıvti tehnologııalardyń arqasynda dúnıege kelgen tuńǵysh bala qazirgi ýaqytta 15 jasqa tolyp otyr. "Barlyq bala jaqsy ósip, belsendi, ádemi bolyp damýda. Basqasha bolý da múmkin emes, óıtkeni mundaǵy balalar uzaq kútken, ańsaǵan balalar",-dedi T. Júsibalıeva.
Onyń pikirinshe, qazaqstandyq densaýlyq saqtaý salasynyń mańyzdy jetistigi bolyp - 2010 jyldan bastap, respýblıkalyq bıýdjet esebinen bedeýligi bar patsıentterdi VRT ádisterimen emdeýdiń memlekettik baǵdarlamasyn engizýi boldy. "QR Densaýlyq saqtaý mınıstrligi bul baǵdarlamany iske asyrý úshin qarjylaı kómek berip keledi. Jyl sońyna deıin memleket tarapy 350 baǵdarlamanyń aqysyn tóleýdi kózdep otyr. Kómekke zárý otbasylar emdeýdi óz qalaýy boıynsha memlekettik, ne jeke menshik ortalyqtarda qabyldaı alady",-dedi ol.
Qazirgi tańda «EKO» ekstrakorporaldyq uryqtandyrý ortalyǵy bul sala boıynsha Qazaqstanda ǵana emes, Ortalyq Azııada kóshbasshy bolýda. Ortalyqqa jaqyn jáne alys shetel azamattary da kelip qaralýda.
