Almatyda egde jastaǵy kisilerge arnalǵan ortalyq ashyldy
ALMATY. QazAqparat - Almatyda jasy ulǵaıǵan kisiler kompıýterlik saýatyn ashyp, smartfondarmen jumys isteýdi jáne aǵylshyn tilin úırenedi. Bul úshin zeınetkerlerge arnalǵan ortalyq ashyldy, dep habarlaıdy QazAqparat tilshisi.
Ortalyqta apta saıyn psıhologııalyq, medıtsınalyq, zań jóninen keńester berilip, motıvatsııalyq semınar men sheberlik sabaqtary ótkiziledi.
Sondaı-aq, almatylyq zeınetkerler úshin munda kitaphana, ıoga jáne aerobıka fıtnes-zaly, shahmat, toǵyzqumalaq, domıno, toqymamen aınalysatyn bólmeler jumys isteıdi.
«Munda bári utymdy oılastyrylǵan. Osyny uzaq kúttik. Men bul ortalyqtyń ashylǵanyn "uzynqulaqtan" estidim. Hor, ıoga sııaqty ózime unaǵan baǵdarlamalardy tańdadym. Jasym 80-ge kelse de, óte belsendimin. Endi kompıýterde jumys isteýdi úırengim keledi», - deıdi ortalyqqa kelgen Rımma Kalashnıkova.
Almaty ákimi Baýyrjan Baıbek megopolıste ashylǵan zeınetkerler ortalyǵyna qonaqqa keldi.
«Qarııalarǵa qoldaý qajet. Ata-apalarymyz zeınetkerlikpen shektelip qalmaýy tıis. Olar ózderiniń qoǵamǵa qajet ekenin sezinip, bizdiń nazarymyzda bolǵysy keledi. Sol úshin qarııalardy qamqorlyǵymyzǵa alyp otyrmyz», - dedi Baýyrjan Baıbek.
