Almatyda EEK jumysy qorytyndylandy: 2021 jyly EAEO elderiniń ekonomıkasy 3,2% ósedi

ALMATY. QazAqparat - Premer-Mınıstr Asqar Mamın men Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıch Eýrazııalyq úkimetaralyq keńestiń otyrysyn qorytyndylady, dep habarlaıdy QazAqparat tilshisi.

Premer-mınıstr Asqar Mamın Qazaqstan EAEO organdaryna tóraǵalyq etýdi 2021 jyldyń 1 qańtarynan bastap qabyldaǵanyn taǵy bir márte atap ótti.

Osyǵan oraı, Memleket basshysy Qasym-Jomart Toqaev EAEO múshe-memleketterine negizgi basymdyqtar aıtylǵan úndeý joldady.

«Qujat EAEO-nyń qurylǵan merzimi aralyǵynda qalyptasqan jańa múmkindikteri men ekonomıkalyq-áleýmettik máselelerdi eskere otyryp jasaldy», - dedi A.Mamın.

EAEO organdaryna tóraǵalyq etý Qazaqstannyń kásiporyndaryna jańa serpin beredi. Yntymaqtastyqty arttyryp, ózara saýdadaǵy kedergilerdi joıyp, transshekaralyq kólik arterııasynyń áleýetin tolyǵymen paıdalanýǵa, keshendi tsıfrlandyrý jáne syrtqy naryqqa shyǵý aıasyn keńeıtedi.

«Eýrazııalyq ekonomıkalyq komıssııa osy bastamalardy iske asyrý boıynsha tıisti is-sharalar josparyn bekitti. Onyń 15-i negizgi mindet, 84-i shara», - dedi Asqar Mamın.

Eýrazııalyq Ekonomıkalyq Komıssııa alqasynyń tóraǵasy Mıhaıl Mıasnıkovıch jıynda EAEO elderiniń ekonomıkasy úshin óte mańyzdy sheshimder qabyldanǵanyn aıtty.

«Aldyn ala málimetter boıynsha, 2020 jyldyń sońynda jalpy ishki ónim birshama tómendeıdi degen boljam bar. Naqty derekter keıinirek shyǵady. Ázirge ol 3,9% quraıdy. Sonymen qatar, 2021 jyly jaǵdaı jaqsarady. Odaq elderiniń ekonomıkasy keminde 3,2% ósedi dep josparlap otyr. Bul úrdis jalǵasatyny sózsiz. Osylaısha, 2025 jylǵa deıingi damý strategııasyndaǵy kózdelgen maqsat oryndalýy kerek», - dep qortyndylady Mıasnıkovıch.