Almatyda E-Polisia KZ mobıldi qosymshasy iske qosyldy
Almaty qalalyq PD málimetinshe, E-Polisia KZ qosymshasy Іshki ister mınıstrliginiń qoldaýymen daıyndaldy jáne búginnen bastap iske qosyldy.
«Bul baǵdarlama arqyly koronavırýspen kúresý jónindegi jedel shtabtyń arnaıy málimetter bazasynda JSN jáne kóliktiń memlekettik tirkeý nómirimen tekserýge bolady. Endi kez kelgen azamat óziniń mobıldi qurylǵysyn paıdalanyp, qosymsha arqyly qalada karantın kezeńinde júrýge ruqsaty bar-joǵyn bile alady. Demek, bizdiń Call-ortalyqqa 254-40-07 telefonyna qońyraý shalýdyń qajeti joq.Sondaı-aq, osy qosymshanyń kómegimen siz onlaın rejıminde polıtsııaǵa ótinish,shaǵym, bere alasyz.Sonymen qatar, koronavırýs týraly tıisti aqparatpen tanysýǵa da bolady. Búgingi tańda kóptegen azamattardy joǵaryda atalǵan taqyryp qyzyqtyrady, sondyqtan «Jıi qoıylatyn suraqtar» aıdary atalǵan taqyrypqa beıimdelgen. Qosymshada karantın aımaǵynyń perımetri boıynsha jol tosqaýyldaryn kesip ótý erejeleri týraly bólim bar», - deıdi Almaty qalalyq PD bastyǵy Qanat Taımerdenov.
Qosymshanyń basty betinde polıtsııa basqarmasy, aýdandyq ákimdikter men polıtsııa bólimderiniń, sondaı-aq ýchaskelik pýnktilerdiń mekenjaıy kórsetilgen.
