Almatyda dzıýdodan jasóspirimder men jastar arasynda Azııa kýbogi ótedi
ASTANA. QazAqparat – 7-9 sáýir kúnderi Almaty qalasyndaǵy Balýan Sholaq atyndaǵy sport saraıynda Beket Mahmutovty eske alýǵa arnalǵan dzıýdodan jasóspirimder men jastar arasynda Azııa kýbogi ótedi, dep habarlaıdy QazAqparat tilshisi.
Halyqaralyq dzıýdo federatsııasynyń kúntizbesine sáıkes ótkizilgeli otyrǵan jarysqa 2006-2007 jyldary dúnıege kelgen jasóspirimder men 2003-2005 jyldary týǵan jas tatamı sheberleri qatysady.
Qazaqstan dzıýdo federatsııasynyń baspasóz qyzmetinen málim etkenindeı, IJF erejesine sáıkes Azııa kýboginiń jeńimpazdary men júldegerlerine reıtıngilik upaı qosylady.
Jarys jeńimpazdaryna 100, kúmis júldegerge – 60, qola júldegerge 40 upaıdan beriledi.
Bıyl altynshy ret uıymdastyrylyp otyrǵan Azııa kýbogine Qazaqstan, Ózbekstan, Tájikstan, Qyrǵyzstan, Mońǵolııa, Gonkong, Túrkimenstan, Grekııa, Grýzııa jáne AQSh-tan barlyǵy 400-den astam dzıýdoshy qatysady dep josparlanǵan.
Beket Sapabekuly Mahmutov 2009-2012 jyldar aralyǵynda Qazaqstan dzıýdo federatsııasynyń prezıdenti, sondaı-aq, Azııa dzıýdo odaǵynyń vıtse-prezıdenti qyzmetin atqarǵan.
Dzıýdodan Beket Mahmutov atyndaǵy týrnır 2017 jyldan beri Almaty qalasynda dástúrli túrde ótkizilip keledi.
Dzıýdodan jastar men jasóspirimder arasyndaǵy Azııa kýboginiń jarys kestesi mynadaı:
7 sáýir
Jasóspirimder
Jarys saǵat 10.00-de bastalady.
Fınaldyq beldesýler – 17.00.
Uldar: -50 kg, -55 kg, -60 kg, -66 kg, -73 kg
Qyzdar: -40 kg, -44 kg, - 48 kg, - 52 kg, -57 kg
8 sáýir
Jarystyń bastalýy – 10.00.
Fınaldyq beldesýler – 17.00.
Jasóspirimder
Uldar: -81 kg, -90 kg, -100 kg +100 kg;
Qyzdar: -63 kg, -70 kg, -78 kg, +78 kg;
Jastar
Uldar: -60 kg, -66 kg;
Qyzdar: -48 kg, -52 kg;
9 sáýir
Jastar
Jarystyń bastalýy – 10:00
Fınaldyq beldesýler – 17:00
Jastar: -73 kg, -81 kg, -90 kg, -100 kg, +100 kg;
Jasóspirimder: -57 kg, -63 kg, -70 kg, -78 kg, +78 kg.
Eske sala keteıik, budan buryn qazaqstandyqtyń dzıýdodan álemdik Grand Slam týrnıriniń kúmis júldegeri atanǵanyn jazǵan bolatynbyz.
