Almatyda dzıýdodan halyqaralyq «Grand Prix» týrnırine 98 elden 600-ge jýyq sportshy qatysady
ALMATY. QazAqparat - Almatyda 13-15 mamyr aralyǵynda Balýan Sholaq atyndaǵy sport saraıynda dzıýdodan halyqaralyq «Grand Prix» týrnıri ótedi. Bul aıtýly dodaǵa álemniń 98 elinen 595 dzıýdoshy qatysady. Qazaqstan úshin bul rekordtyq kórsetkish.
2014 jyly Astanada ótkizilgen osyndaı halyqaralyq «Grand Prix» jarysyna 40 eldiń sportshylary qatysqan bolatyn.
Qazaqstannyń dzıýdo federatsııasy baspasóz qyzmetiniń habarlaýynsha, Halyqaralyq dzıýdo federatsııasynyń erejesine sáıkes, alań ıeleri ár salmaq dárejesi boıynsha tórt sportshyǵa deıin qatystyra alady.
Jarystyń jalpy júlde qory - 100 000 AQSh dollaryn quraıdy. Jarys qorytyndysy boıynsha birinshi oryn alǵan dzıýdoshyǵa - 2400 AQSh dollary, bapkerine - 600 dollar, ekinshi oryn alǵan balýanǵa - 1600 dollar, bapkerine - 400 dollar, al qola medal ıegerine - 800 dollar, al bapkerine - 200 dollar kóleminde qarjylaı syıaqy tabystalady.
Sonymen qatar, «Grand Prix» jarysy aıasynda 13 mamyr kúni Almatyda jańa dzıýdo akademııasynyń resmı ashylý rásimi ótkiziledi. Oǵan QR Mádenıet jáne sport mınıstri Arystanbek Muhamedıuly, Almaty qalasynyń ákimi Baýyrjan Baıbek, Halyqaralyq dzıýdo federatsııasynyń prezıdenti Marıýs Vızer jáne Qazaqstan Dzıýdo federatsııasynyń prezıdenti Keńes Raqyshev qatysady dep kútilýde.
Bul jańadan ashylatyn dzıýdo akademııasy halyqaralyq standartqa saı jasalǵan. Sport kesheninde tórt tatamıge arnalǵan zal, jattyǵý zaly, 100 oryndyq jataqhana men ashana bar. Onda Qazaqstan Ulttyq quramasymen qatar, jas dzıýdoshylar da jattyǵa alady, sondaı-aq, halyqaralyq jattyǵý jıyny, semınarlar men sheteldik mamandarmen birlese ár-túrli sheberlikti shyńdaıtyn sabaqtar uıymdastyrylady.
Al, «Grand Prix» týrnıri Balýan Sholaq atyndaǵy sport saraıynda 13 mamyrda saǵat 10.00-de, al resmı ashylý saltanaty saǵat 16.30-de bastalady.
Týrnırdi uıymdastyrýshylar: QR Mádenıet jáne sport mınıstrligi, Almaty qalasynyń ákimdigi, QR Ulttyq Olımpıada komıteti, Sporttyq jekpe-jek jáne kúsh qoldanylatyn sport túrleri konfederatsııasy men QR dzıýdo federatsııasy.
