Almatyda dzıýdodan Azııa kýbogy ótedi
ASTANA. QazAqparat - Almaty qalasynda 7-9 sáýir kúnderi dzıýdodan jasóspirimder men jastar arasynda Azııa kýbogy ótedi. Atalǵan jarys Beket Mahmutovty eske alýǵa arnalady, dep habarlaıdy QazAqparat tilshisi.
Almaty qalasyndaǵy Balýan Sholaq atyndaǵy sport saraıynda ótetin saıysta jasóspirimder (2006-2007) men jastar (2003-2005) básekege túsedi.
IJF erejesine sáıkes Azııa kýbogynyń jeńimpazdary men júldegerlerine reıtıngige upaı qosylady. Jarys jeńimpazyna - 100, kúmis júldegerge - 60, qola júldegerge - 40 upaıdan beriledi.
Azııa kýbogy bıyl altynshy ret uıymdastyrylady. Oǵan Qazaqstan, Ózbekstan, Tájikstan, Qyrǵyzstan, Mońǵolııa, Gonkong, Túrikmenstan, Grekııa, Grýzııa jáne AQSh-tan barlyǵy 400-den astam dzıýdoshy qatysady dep josparlanǵan.
Beket Sapabekuly Mahmutov 2009-2012 jyldary aralyǵynda Qazaqstan dzıýdo federatsııasynyń prezıdenti boldy. Sondaı-aq Azııa dzıýdo odaǵynyń vıtse-prezıdenti qyzmetin atqarǵan.
Buǵan deıin qazaqstandyq dzıýdoshylar álemdik reıtıngide kórsetkishterin jaqsartqanyn jazǵan bolatynbyz.
