Almatyda dzıýdodan Álem kýbogy ótedi
ALMATY. Shildeniń 13-i. QazAqparat /Erlik Erjanuly/ - Almatyda shildeniń 24-26-sy kúnderi dzıýdodan Álem kýbogy ótedi.
Bul jaıly Balýan Sholaq atyndaǵy sport saraıynyń dırektory búgin Elbasynyń osyndaǵy kúrdeli jóndeý jumystarynyń barysymen tanysqan kezinde aıtty.
«Bul Balýan Sholaq atyndaǵy sport saraıyndaǵy dzıýdodan alǵashqy Álem kýbogy jarysy bolmaq. 201 kúnnen keıin Almaty men Astana qalalarynda ótetin VII Qysqy Azııa oıyndarynyń keıbir básekeleri ótetin sport saraıynda qazir kúrdeli jóndeý jumystary júrip jatyr. Búgingi tańda onyń 95 paıyzy aıaqtaldy. Munda shildeniń 6-11 kúnderi voleıboldan erler men áıelder arasyndaǵy «QR Prezıdenti kýbogy" XVII halyqaralyq týrnıri ótken bolatyn», deıdi Balýan Sholaq atyndaǵy sport saraıynyń dırektory ıÝrıı Zaharın. Onyń aıtýynsha, halyqaralyq týrnır olar úshin tájirıbe jınaýǵa yqpal da etti. Onda birqatar qural-jabdyqtar synaqtan ótip, onda baıqalǵan olqy tustar tolyq túzetildi.
