Almatyda Djon Lennon atyndaǵy alleıa ashyldy
ALMATY. Qazannyń 9-y. QazAqparat /Erbol Azanbek/ - Búgin Almatydaǵy «Ońtústik» saıabaǵynda Djonn Lennon atyndaǵy alleıa ashylyp, alǵashqy kóshetter egildi.
«Tabıǵat» ekoodaǵynyń jetekshisi Mels Eleýsizov alleıany áıgili brıtandyq top jetekshisiniń 70 jyldyǵyna arnap ashyp otyrǵandaryn aıtady. Shara barysynda «Tabıǵat» ekoodaǵynyń belsendileri men qala turǵyndary 30 sharyn sheteniniń kóshetin otyrǵyzdy.
Esterińizge sala keteıik, tabıǵattyqtar Djonn Lennonnyń qurmetine tamyzdyń 30-y kúni «Astana» alańynda festıval ótkizgen bolatyn. Mels Eleýsizov alleıany ashý sol sharanyń jalǵasy ekendigin atap ótti.
