Almatyda djıpin trotýarǵa qoıǵan júrgizýshi jaýapkershilikke tartyldy
ALMATY. QazAqparat - Almatyda jol talǵamaıtyn kóligin trotýarǵa qoıǵan júrgizýshi ákimshilik jaýapkershilikke tartyldy. Bul týraly búgin Almaty qalalyq ІІD baspasóz qyzmetinen habarlady.
Jol qozǵalysy erejesiniń buzylǵandyǵy týraly bul derekti polıtsııa bólimshesine belsendi azamattyq ustanymǵa ıe azamattar habarlady.
«Bizdiń bólimshege kelip túsken fotosýrette «BMV» markaly avtokólik sýrettelgen. Onyń júrgizýshisi jol qozǵalysy erejesin eleń qylmaı, avtokóligin týra adamdar júretin trotýarǵa qoıǵan.
Onyń áreketinde QR Ákimshilik quqyq buzýshylyq týraly Kodeksiniń 597-babynyń 2-shi tarmaǵynda qarastyrylǵan quqyq buzýshylyq áreketterdiń nyshany baıqalady.
Júrgizýshiniń aty-jóni tez arada anyqtalyp, jaýapkershilikke tartyldy.
28 jastaǵy avtokólik júrgizýshisi jol qozǵalysy erejesin buzǵandyǵymen kelisti jáne bul týraly ákimshilik quqyq buzýshylyq hattamasyna tıisti jazba qaldyrdy. Jalpy, óndiris materıalynda zań, quqyq buzýshylyq áreketterdi beıneleıtin fotosýrettiń jáne ony sıpattaýshy derekterdiń bolýy - daýsyz dálel bolyp tabylady», - dedi Almaty qalalyq ІІD Jergilikti polıtsııa qyzmetiniń bastyǵy, polıtsııa podpolkovnıgi Jasulan Baıkenov.
